રૂદ્રાક્ષ વિશેની આ વાતો તમે નહીં જાણતા હોવ, જાણો અસલી રૂદ્રાક્ષની ઓળખ કેવી રીતે કરવી?

રુદ્રાક્ષનું ધાર્મિક અને શારીરિક એમ બંન્ને રીતે ઘણુ મહત્વ છે. તેનાથી માનસિક સ્વાસ્થ્ય સુધારવામાં, ઉચ્ચ રક્તચાપને નિયંત્રિત કરવામાં અને માનસિક બીમારીઓમાં મદદ થાય છે. યોગ્ય રીતે પહેરવાથી અને યોગ્ય પ્રકારના રુદ્રાક્ષની પસંદગીથી જીવનમાં ઘણા સકારાત્મક પરિવર્તન આવી શકે છે.

રુદ્રાક્ષનું શું મહત્વ છે?

રુદ્રાક્ષ એટલે ભગવાન શંકરના રુદ્ર સ્વરૂપ સાથે સંબંધિત એક વિશેષ વસ્તુ. રુદ્રાક્ષનું હિંદુ શાસ્ત્રોમાં વિશેષ મહત્વ રહેલું છે. આ ફળ ઝાડ પર પાકે છે અને શિયાળામાં ખરે છે. તેની અંદરના બીજને રુદ્રાક્ષ કહેવાય છે, જે લાલ રંગનું અને ઘટ્ટ હોય છે. રુદ્રાક્ષને શરીર પર ઘરેણાં તરીકે પહેરવામાં આવે છે, જેથી ઉચ્ચ રક્તચાપને નિયંત્રિત કરી શકાય અને માનસિક સ્વાસ્થ્ય સુધારી શકાય. 

રુદ્રાક્ષ કેટલા પ્રકારના હોય છે?

રુદ્રાક્ષનું આધ્યાત્મિક અને વૈજ્ઞાનિક દ્રષ્ટિકોણથી પણ વિશેષ મહત્વ છે. રુદ્રાક્ષ બે મુખી, ત્રણ મુખી, ચાર મુખી, પાંચ મુખી, છ મુખી, સાત મુખી, આઠ મુખી, નવ મુખી, દસ મુખી, અગિયાર મુખી અને બાર મુખી હોય છે.રુદ્રાક્ષ પહેરતી વખતે કેટલીક ખાસ બાબતો ધ્યાનમાં રાખવી જોઈએ. રુદ્રાક્ષની માળા કે કોઈપણ સ્વરૂપમાં રુદ્રાક્ષ પહેરીને ક્યારેય સ્મશાન કે અશુદ્ધ સ્થળે ન જવું. આ ધાર્મિક દ્રષ્ટિએ અશુદ્ધ માનવામાં આવે છે. 

રુદ્રાક્ષની માળામાં ફરજિયાતપણે વિષમ સંખ્યામાં મણકા હોવા જોઈએ.રુદ્રાક્ષની માળા ઓછામાં ઓછી 27 મણકાની હોવી જોઈએ. રુદ્રાક્ષને કાળા દોરામાં ન પહેરો, પરંતુ તેને લાલ કે પીળા દોરામાં વીંટાળવું શુભ માનવામાં આવે છે. રુદ્રાક્ષને હંમેશા સ્વચ્છ હાથથી જ સ્પર્શ કરો. રુદ્રાક્ષ પહેર્યા પછી 'ૐ નમઃ શિવાય' મંત્રનો જાપ કરો, જેનાથી ભગવાન મહાદેવ પ્રસન્ન થાય છે. રુદ્રાક્ષ હંમેશા સ્નાન કર્યા પછી જ પહેરો.

કઈ રાશિવાળા લોકોએ કયું રૂદ્રાક્ષ પહેરવું જોઈએ?

મેષ રાશિના લોકોએ ત્રણ મુખી રુદ્રાક્ષ પહેરવું જોઈએ. વૃષભ રાશિના લોકોએ છ મુખી રુદ્રાક્ષ પહેરવું જોઈએ. મિથુન રાશિના લોકોએ ચાર મુખી રુદ્રાક્ષ પહેરવું જોઈએ. કર્ક રાશિના લોકોએ બે મુખી રુદ્રાક્ષ પહેરવું જોઈએ. સિંહ રાશિના લોકોએ એક મુખી રુદ્રાક્ષ પહેરવું જોઈએ. કન્યા રાશિના લોકોએ બાર મુખી રુદ્રાક્ષ પહેરવું જોઈએ.

કઈ રીતે જાણવું રૂદ્રાક્ષ અસલી છે કે નકલી?

અસલી રુદ્રાક્ષની ઓળખ કરવી ખૂબ જ સરળ છે. એક સંપૂર્ણ પાકેલું રુદ્રાક્ષ પાણીમાં ડુબાડતાં ડૂબી જાય છે. જો રુદ્રાક્ષ પાણીમાં જલદીથી ડૂબી જાય, તો તે અસલી હોય છે. જ્યારે જે રુદ્રાક્ષ ધીમે ધીમે ડૂબે, તે નકલી અથવા હલકી ગુણવત્તાનું માનવામાં આવે છે. રુદ્રાક્ષનો આકાર મુખ્યત્વે ગોળ હોય છે, અને તેના કાંટા હળવા હોય છે પરંતુ મજબૂત અને કઠણ હોય છે.

રુદ્રાક્ષ માત્ર એક ધાર્મિક વસ્તુ નથી, પરંતુ તે આપણા શારીરિક અને માનસિક સ્વાસ્થ્ય માટે પણ ખૂબ જ ફાયદાકારક છે. તેથી તેને યોગ્ય રીતે પહેરવું અને સમજવું ખૂબ જ જરૂરી છે.